Oh, Guro! Bakit nga ba?
Ang mga Guro ang nagsisilbing nanay sa paaralan na kung saan tayo ay dini-disiplina, tinuturuan din tayo ng mabuting-asal, at minamahal na itinuturing na mga anak. Sa kasalanan ng guro na si Gng. Melita Limjuco, na pinahiya at pinalabas ang bata dahil daw ito sa card ng bata na nakalimutang dalhin at isauli sa guro. Nararapat bang ipaabot sa tulfo? Ito ba ang dapat gawin?
Sa napanood ko sa programa ni Raffy Tulfo na "Tulfo in Action", ako'y lubos na nalulungkot sa guro at sa pamilya ng bata. Dahil lang sa card ay umabot na sa Tulfo, nararapat na sundin ang mga proseso upang maliwanagan ang bawat isa sa kanila, bilang isang estudyante nararapat na maging disiplinado sa loob ng paaralan at sundin ang mga guro para sa ikabubuti natin. Ngunit sa nasabing isyu, na pinahiya at ipinalabas ang bata dahil sa kakulitan ng bata na kung saan, hindi na nakapagtimpi ang guro, hindi ba nila naisip na kapag napapagalitan ang isang tao ay dahil sa nagawang kasalanan niya. Para rin sa akin, mas nakabubuti, kung hindi na nila sana umabot sa ganung punto, dahil masakit sa pamilya ni Gng. Limjuco na marinig at kusa niyang pinili ang pagtanggal sa kanyang lisensya bilang isang guro, sana naman inalam nila ang totoong nangyari upang hindi sila nahihirapan.
Sa nasabing isyu, nabigyan ng kahihiyan ang guro dahil sa maraming tao ang nakapanood at narinig sa isyung kinasasangkutan niya, at kay Raffy Tulfo, dahil sa nabitawan niyang salita na hindi dapat at ang dignidad ng guro na pinoprotektahan niya ay nagalusan na dahil sa kanyang nagawa. Responsibilidad din ng guro at ang pamilya ng bata, na disiplinahin siya. Mahalagang pahalagahan ang bawat guro, at respetuhin sila, hindi lang ang mga guro, ngunit ang mga taong nakakasalamuha natin.
No comments:
Post a Comment