POSISYONG PAPEL

         

     Limitasyong Ugnayan Tungo sa Kinabukasan 

      Paaralan na nagsisilbing pundasyon ng pakikipag-ugnayan sa bawat isa, mapaestudyante man o guro na maaaring makabuo ng samu’t saring ugnayan. Iba’t ibang perspektibong nakakapukaw tingin sa pagitan ng guro at mag-aaral na magreresulta na parang CCTV kung makatingin ang mga tao nang kay tagal. Maaari nga bang maging magkaibigan ang guro at estudyante sa pagitan ng mapanghusgang lipunan?

               Araw-araw na nagkakaroon ng interaksyon ang guro at estudyante na nagsisilbing tulay ng pagiging malapit nila sa isa’t isa. Sa pagiging malapit nila, matutulungan ng guro ang isang estudyante sa kanyang mga problema. Ayon sa pananaw ni Ricardo Gonzalez, “Ngunit hindi maikakaila na hindi pare-pareho ang iniisip ng tao, kung malapit sila, sa madalas nilang pagkasama, maaari silang magawan ng isyu.” Sa aming pananaw, mas magaganahang pumasok ang isang estudyante dahil makakatulong ang guro sa pagbibigay ng talento ng isang estudyante. Ayon kay Peter Kiddle, isang education expert. “Pero nagkakaroon ng hindi pagkapantay-pantay sa loob ng paaralan, dahil sa kanilang hindi pagkakaisa sa mga kinakailangan sa guro. Ayon sa artikulong portal para sa isang pag-aaral. Pagsasanay sa sarili, 2020. Kung magiging malapit ang ugnayan ng estudyante at guro, mas magiging kumportable at mapanatag ang kalooban ng isang estudyante, dahil sa presensya ng kanyang guro, Ayon muli kay Ricardo Gonzalez. Maaari rin tulungan ng guro sa gawaing pang-akademiko ang kanyang estudyante. Pwede silang mag-bonding, pero ang mapanghusgang lipunan ay pilit na isinisigaw ang maaaring balak ng guro sa kanyang estudyante. Maaaring mag-isip ng malaswa ang mga tao sa lipunan kung ganoon. 

           Para sa amin, payag kami na pwedeng magkaibigan ang guro at estudyante sapagkat maraming maitutulong ang guro sa kanyang estudyante, gaya na lamang ng pagtulong sa gawaing akademiko, mas magiging kumportable sila, sa tulong ng guro mas mahuhubog nila ang kanilang kakayahan at maaaring sandalan sa lahat ng problema nang may limitasyon. Hangga’t tama pa ang pagtrato ng guro sa estudyante sa pantay-pantay na paraan, hindi sa magiging mali ang kanilang ugnyan. Pabayaan na lang ang mapanghusgang lipunan kung tiyak ang aksyon. Maraming maitutulong ang guro sa estudyante sapagkat sila ang pundasyon ng magandang kinabukasan. 

         Sa ugnayan ng guro at estudyante, dapat na huwag gagawa ng kongklusyon sa iyong nakikita lamang. Maaaring malapit ang isang estudyante sa guro, ngunit may limitasyon lang naman. Limitasyong may patutunguhan sapagkat kung may malabag man ang guro, may batas naman na tutulong sa kanila, ang Child Protection Policy.