PHOTO ESSAY

Pagtapak sa Eskuwelahan

          Sa buhay ng JHS, nahuhuli ang mga estudyante sa pagpasok sa paaralan dahil sila ay nahuhuling gumising, ang iba naman sa kanila ay natatraffic. Sa araw-araw naman na pamumuhay ng mga estudyante ng Senior High, mas nahuhuli silang pumasok sa kadahilanang sila ay napuyat dahil sa magdamag na pag-rereview at paggawa ng mga requirements nila na kailangang ipasa sa kinabukasan. Dahil sa pagkaka-late nila ,wala na silang oras pa para suotin ang takdang uniporme nila sa kamamadali at sila'y sinisita ng mga guwardiya kung bakit sila late. Halos tumakbo sila para lamang maabutan nila ang kanilang klase.

           

        Pagpasok nila sa kanilang mga silid-aralan, ang iba sa kanila ay hindi nakikinig sa leksyon ng kanilang mga guro dahil ang iba ay nagnanais na makaidlip man lang dahil sa puyat. Ang iba naman ay pinipilit lamang ang kanilang sariling makinig upang kahit papaano ay makakuha sila ng panibagong impormasiyon. Ang iba naman ay palihim na nag-rereview ng ibang asignatura para sa kanilang pagsusulit.

         

        Hindi rin mawawala ang pagkakaroon ng mga activities sa Senior High araw-araw gaya ng pagkakaroon nila ng mga subject na nangangailangan ng paggawa ng research. Ang iba naman ay nagtitinda sila ng mga bagay o pagkain na kanilang gawin na ibinigay na gawain ng kanilang guro na relatibo sa kanilang kursong pinili gaya ng mga kumuha ng kursong Hotel and Restaurant Management o HRM.

       Pagsapit ng kanilang mga vacant hours o ang kanilang bakanteng oras, agad silang pumupunta sa mga lugar na kung saan ay puwede silang gumawa ng mga takdang-aralin, proyekto at makapag-aral ng kanilang mga aralin para sa pagsusulit na kanilang haharapin.

      Sa oras ng uwian, imbes na sila'y umuwi na upang makapagpahinga, kanilang ginagamit din ang oras na ito upang tapusin ang mga iba pa nilang mga gawain o mga proyekto sapagkat kulang ang mga bakante nilang oras upang tapusin ito. Sa huli, kahit sila'y naliligo sa pawis ng kahirapan, alam nilang ang lahat ng mga ito ay magiging daan patungko sa kanilang kinabukasan.